حركة فيق: علاش ؟

إن كانت هناك إمكانية أن نموت بغيضنا فستكون نتيجة "البركة و قلة الحركة" أو ما يعبر عنه بلغة تونسية شعبية متحرحرة 

متحررة "الفم الحارك و الزك البارك".

أن تكون حاملا لفكر تقدمي يفرض عليك بالأساس أن تتحرك بنسبة تفوق معدل التحرك الوطني الخام.

شرط التحرك يفرض شرط الإستفاقة.

الإستفاقة حالة ذهنية معدية تنتقل عبر المشهد العمومي بواسطة الحبر و الورق و الأصوات و الأضواء و الضوضاء.

النائم محاصر من كل الإتجاهات بالذبذبات الكهرومغناطيسية و بشباك صيد مطلية برواسب النفط صنعت من اللحي و من ربطات الأعناق. رجة قد تفك الحصار...و صرفاق قد يفيق!

  هوما حاجتين: يا إما نقعدوا نتفرجو في تونس يبرطعو فيها عباد ما تنجمش أبشع النعوت توصفهم، ويحاولوا يظهروا كأغلبية فاعلة ويحققو اللي يحبوه من التجهيل والتبهيم وتطيح القدر بين الأمم ويتماداو في الخرى متاعهم وإلا تجيك دقيقة وتقول " توا لازمني نقوم لبلادي ... توا لازمني نفيق" !

 تسب الشعب و الشعب ميبون و تلعن الراطسة متع والديه و تلعن بهامتو و تخلفو و جهلو بأبسط المفاهيم و خياراتو المعفطة و رجعيتو و نقص وعيو...باهي، و انتي يا سي جعبة... آش عملت لها الشعب؟و إلا غاطس في الكتب طاير بالعامة و ما تقعد كان مع الجعب و تفهمو في الفلسفة و متمكنين بمفاهيم الدمقراطية و الحداثة و العلمانية و ديما طايرين بالعامة..و تقول و تعاود "آش ها الشعب الميبون"، "يا بالحرام لا تقوملنا قايمة" .. "ما تبدل شيء".يا سي جعبة آش حاولت توصل لشعبك و قداش من مرة قعدت مع جنان البلدية و حكيت معاه؟ و إلاالبناي و العطار و فرخ الفيراج؟ و إلا بينك و بينهم حيط، سور، قفص، شوك 

يا سي المتثقف، الفاهم الدنيا، القاري، المتنور، المتفتح .. يا سي الزبور.. ياللي تحب تبدل الدنيا

بتربريبة بالفيبرور و تنبيرة بالفايسبوك و إلا محاضرة في السوربون..

يا سي الطيب... فيق نيك! قوم، تحرك، إتحد مع غيرك !

فيق و فيق اللي دايرين بيك!

أختار يا إما تعيش متفرج طحان و إلا فاعل كابابلي!

من نحن؟ عن ماذا ندافع؟ و ماذا نريد؟

حركة فيق أُسّست في تونس عام 2012, لا يهم من أسسها، المهم أنهم كتبو بيان تأسيسها في مقهى من مقاهي الشعب بين جريتين شْكبّة.


-حركة فيق حركة شعبية، لا مركزية، حرة، متحررة، لا تعترف بسلطة و زعامات و قادة و ولات أمر و أمراء و أوامر و إملاءات.
-حركة فيق ولدت في الشارع وتولد كل يوم وستستمر ولن تموت، مادام الشارع حي، لا يموت. 
-حركة فيق حركة مستمرة  مادامت السلطة مستمرة والقمع مستمر والحشو مستمر. 
 -حركة فيق شبكة مفتوحة ؛ كل إنسان نزل الشارع نائم، فإن إستفاق صار عضو في الحركة. 

تدافع حركة فيق عن جملة مبادئها بكل الطرق والسبل: بكل اللغات، بلغة الشارع اللغة الأم ... بلغة الحْوم.
بلغة السوق، باللوغة الحرشة، باللّسيّن الحلو، بالحس، بالحبار... بالضو. 
باللمس والسمع والنظر والشم والذوق... والبوق. 
بالخمسة حواس وبحاسة الإحتجاج. 

مبادئنا: على شنوا ندافعو؟
 

* الحرية : بمفهومها الإنساني والحيواني والكوني والخصوصي والفردي والعام.
الحرية شاملة أو لا تكون.

النظام القمعي يلتمس منك ان تضع ربطة عنق في مكتبك، ثم يطلب منك ان تكون سوداء. ثم يأمرك بارتدائها في بيتك وفي الحمام ... وفي الأخر يخنقك بوالدين أمها!

 *المساواة : لا يهم من تكون، ومن مارسا الجنس لتأتي لهذا العالم، وإلى أي آلهة تمد يديك لتحصل على كيس من الغفران أو بضع دراهم، وما شكل الجهاز التناسلي والنهود اللتي وهبتك الطبيعة، وأي كتب تقرأ، وطعم النبيذ اللذي تشرب.
لا يهم إن كنت تنقل على كرسي أو ان تكون بطل العاب قوى.
المهم أنك إنسان، وجدت في هذه الأرض وهذا البلد وهذه الحومة بمحض الصدفة، أو "قضاء وقدر" أو "دفع الله ما كان أعظم".
المهم أنك إنسان متساو مع الإنسان الآخر.

يقول القايل، ما ذنبي إن ولدت و " في فمي مغرفة ذهب"؟ ودخلت إلى مدرسة خاصة ثم معهد خاص ثم جامعة " متع كرز" ، ثم تحصلت على شهادة دكتوراه "بالأوتيد" فأهداني أبي منصبه في شركتنا؟ ماذنبي انا، والآخر ولد في حي فقير من أم فقيرة وجد فقير وجدّة فقيرة وأب لم يعرفه. غادر الدراسة قبل ان يبدأها ليعمل في "المرمّة" ويشتري الدواء لأمه المحتضرة... ما ذنبي انا، إن كان ينعم بالهواء وحكم الشوارع وخبز الملاوي؟ ما ذنبي انا إذا كرهت عطر السيارة اللذي لا أعرف سواه وطعم السومون المكرز؟؟ ماذنبي يا زمبي!  

ضد التنويم المغناطيسي : 
نحن في عداء مع ماكسوال وفراداي ولورانتز وتسلا وزميمهم هرتز وكل علماء القرن التاسع عشر والعشرين والواحد والعشرين متع الكهرومغناطيسية والذبذبات والأقمار الصناعية والشبكات المعلوماتية.
نحن بقدر ما نقدّر علمهم وعملهم ورجاحة عقولهم وعطائهم للإنسانية جمعاء بقدر ما نرفض استغلاله لخدمة أصحاب السلطة والمال والسلاح والغاز والنفوذ.
نرفض التنويم المغناطيسي الدائم والممنهج المسلط على الزوالي من طرف وسائل الإعلام والشبكات المعلوماتية ووكالات الأنباء.
كما نرفض ونصد ونحارب التنويم المغناطيسي اللاهوتي مغرق الأمة في حفرة من الأوحال الميتافيزيقية.



الإستقلال:
لا خير في أمة تخضع لإملاءات ممن يسمون أنفسهم " القوى العظمى"
تونس مهد الحضارة القرطاجية والإبداع والفكر والثورات والتنوير، تونس حنبعل وبن خلدون وفرحات حشاد ، لن ترضى بغير استقلال القرار والكيان.
لا استقلال بدون إنتاج، ونحن حتى إبرة ما نصنعوهاش!




التونسة : الهوية التونسية :  نحن نحب الحياة و نحتفل بالمولد و نحتفل برأس السنة الميلادية ونشرب الخمر و ماء زمزم، ونحب ألحان الحضرة و التعليلة ونرقص على ألحان المزود و الجاز، ونتبرك ببوسعدية و أمك طنغو. هذه هويتنا. هذه تونسيتنا.
ويا نعيشو عيشة فل، يا نموتو الناس الكل.


اهدافنا

المدى القريب  : تكوين شبكة واسعة من المجموعات المحلية الملتزمة بمبادئ الحركة وبسط النفوذ على الفضاء العام.

المدى المتوسط : الإرتفاع بالوعي الجماعي للشارع من خلال النزول بالخطاب النخبوى إلى العامة وشعبيته.

المدى البعيد     : تهيئة الشارع لثورة حقيقية شعبية نابعة منه وناطقة باسمه وتدافع عن مبادئه ، الحرية، المساواة، الإستقلال والكرامة.

ما يكفيش انك تفيق... لازمك تفيّق اللي دايرين بيك.

  

الثورة في الماكينة، أنشرها ولك الأجر

تكبييير! http://hpics.li/21cbb27

بيان تأسيسي لحركة فيق.

الأحد 12 فيفري 2012.



 تكريسا لمباديء الحرية وحقوق الإنسان الزوالي واللي ما عندو وآلي وحقوق الكائنات الحية الأخرى وتجسيما لمبادئ ثورة تونس ، ثورة الحرية والكرامة.
 وحرصا على إعلاء صوت الحرية الذي يعلو ولا يعلى عليه.
وبما أن الثورة ركبوا عليها والعياذ بالله. وطحنا للرابطة الشرفية. ومن التشغيل والتعليم والحقوق الاجتماعية والحريات الفردية هبطنا للنقاب والهوية والموز وزيت الزيتونة.
 تعلن الهيئة التأسيسية المجتمعة في قهوة فقر من مقاهي تونس العظيمة عن تأسيس حركة "فيق" بتاريخ 12 فيفري 2012 طبق تشريع الحرية الغير جاري به العمل.


 إن حركة "فيق" حركة مستقلة عن كافة الحركات والأحزاب والهيئات والأديولوجيات والنقابات والخنن والإكيبات والنشرة الجوية والحكومات والمجالس ومجالس البلعات ومجالس الذكر ومجالس الجماعة اللي يضربو في النوم.

 وتدافع حركة "فيق" على المبادئ التالية:

ثقافة الشارع أم الثقافات :
 الإنسان البدائي كيف حب يكتشف فكر جديد ما مشاش لمكتبة عمومية وإلا محاضرة جامعية وإلى مدب وإلا أمسية شعرية في وتيل سبعة نجوم ، مشى للطبيعة، للشارع وتعلم.
من الشارع تخلق الثقافة وإلى الشارع يجب أن تعود.

مخاطبة الشعب بلاش سو تيتراج :
الشفافية واللامركزية والابستيمولوجية والمتأسلمون والكمبرادور و"عربدة الضوضاء وتجنش الهويات" ، كلام أخبار الثمنية متع الليل، كلام كتب .. كلام من ذهب في الكتب. أما كان هبط للشارع يولي كلام لوح ... روح!

صد الأستمناء الفكري :
لدينا أعداء وأعداء دائمين. إما الأعداء (البودورو) فليذهبو إلى الجحيم. وأما الدائمين من جهل وخرافة وثقافة قطيع وقمع وظلم و كل الإستمناءات الفكرية من هذا القبيل فإنها لثورة عليهم حتى النصر إلى يوم الدين